ZERGAITIK GAI HAU???

Web orrialde honetan etorkinek gaur egun gure gizartean bizi duten errealitatea azaltzen saiatuko naiz zenbait hausnarteken bitartez. Gai hau aukeratu dut bistan dagoelako gure inguruan gero eta jarrera xenofoboagoak agertzen ari direla eta etorkinen integrazioa, gure gizartean, gero eta zailago bihurtzen ari dela argi dagoelako

HIESA UME ETORKINEN ARTEAN

Aek-ren aldizkarian irakurri ditudan datu batzuen arabera, Unicefek aurkeztu duen txostenak dio munduan 15 milioi umezurtz baino gehiago daudela hiesaren eraginagatik. Horietatik gehienak Sahara hegoaldeko Afrikan daude, izan ere, Adra ong-ak dioenez herrialde horietan bizi diren 15 urte baino gutxiagoko 10 umeetatik 9k gaixotasuna sufritzen dute. Hiesa duten ume gehienak herrialde txiroetan bizi dira, oso egoera txarretan; eta normalean amarengandik jasotzen dute. Kutsatuta jaiotzen diren umeen erdiak elikadura eta sendagaiak izan ezean hil egiten dira, bizirik irauten lortzen duen beste erdiak normalean ez ditu gurasorik izaten eta izanez gero oso gaixo egoten dira. Egin diren aurreikuspenen arabera munduan 18 milioi umezurtz daude hiesaren eraginez. Datu guzti hauek ezagutu ezkero guztiz beharrezkoa izango litzateke Euskal Herrira datozen ume etorkin guztiei gaixotasuna antzemateko testa egitea, gaixotasuna ahalik eta arinen detektatzeko. Horrela ume hauek terapia egokia jaso ahal izango dute hasieratik, ondorioz, haien bizi kalitatea hobetuko da eta hilkortasun tasa murriztu. Dena den herrialde txiroetan badaude beste gaixotasun asko pertsona asko akabatzen dituztenak esaterako, sifilisa, tuberkulosia, Hepatitis B, malaria...

ETORKINAK ETORKIZUNAREN BARNE!!

Gero eta gehiago dira Estatu Espainiarrera ilegalki sartzen sahiatzen diren pertsonak. Duten helburua haien eta haien familien bizi baldintzak obetzea da eta orren truk edozer arriskatzeko prest daude,bizitza bera ere. Europako Institutu Unibertsitarioak argitaratutako ikerketa baten ararbera 1989 eta 2002 urteen bitartean 8000 eta 10000 pertsona inguru desagertu ziren Estatu Espainiarrean sartzeko saiakeran.

Dena den beste asko muga zeharkatzen lortzen dute, eta haien bizitza hutzetik berreraikitzen sahiatzen dira(lanbidea, familia, kultura..). Hala ere Sindikatuen arabera Estatu Espainiarrean agiririk gabeko 100000 etorkin ari dira lanik gogorrenak egiten baldintza negargarrietan eta gaizki ordainduta. Guzti hau jakinda lotsagarriak dira hirugarren mundura bidalitako diru bidalketen datuak, izan ere, etorkinek, nazioarteko asistentzia konbinatuak baino hiru bider gehiagoko diru kantitatea bidaltzen dute haie sorterrietara.
Etorkinek erbeestera diru kopuru handia bidaltzeaz aparte Espainiako ekonomiaren hazkunderako ere onuragarria izan da. Gainera 4,3 milioi inmigranteen etorrerak sistema publikoan pentsiotan aurreikusitako defizita 2012 urtetik 2050.urtera atzeratuko du.